Iprinisenta ni Manila City Mayor Francisco "Isko Moreno" Domagoso ang suspek sa media ngayong Lunes, Oktubre 7.
"Akala natin magtitino ang mga lokong ito. Lumala pa eh. Hindi lang sila nangunguha ng materyales sa trak. Pinapasok na 'yung driver," sabi ni Domagoso.
Nabisto ang panghoholdap sa isang nag-viral na video sa social networking site na Facebook.
Kita rito ang pwersang pagbukas ng apat na kalalakihan sa pintuan ng truck sa kalagitnaan ng matinding trapiko sa Mel Lopez Boulevard. May dala pang bladed weapon ang isa sa mga nangholdap.
Dahil dito, nagsagawa ng anti-criminality operation ang tauhan ng MPD SMaRT sa Mel Lopez Boulevard para hanapin ang suspek noong Linggo, Oktubre 6.
Pinosasan ng MPD SMaRT si Christopher Dumapi alias “Toper” na nakilala sa video bilang isa sa mga holdaper. Siya ay haharap sa kasong paglabag ng Batas Pambansa 6 o illegal possession of bladed weapon. May pending arrest warrant din si “Toper” sa Manila Regional Trial Court Branch 33.
Pinasalamatan ni Domagoso ang netizen na kumuha ng video ng panghoholdap.
"Maraming salamat sa iyo. Kung hindi dahil sa'yo, hindi mo inupload, hindi natin mabibigyan ng hustisya ang ginawang pang-aabuso sa driver ng truck," sabi ni Domagoso.
At large naman ang tatlo pang kasabwat ni “Toper” sa panghoholdap. Kinilala sila ng MPD SMaRT bilang sina Jack Dumapi, Junjun Barola, at Jimwell Jimenez.
Nanawagan ang alkalde ng Maynila sa mga magulang ng suspek na isuko na nila ang kanilang mga anak.
"Sa mga magulang ng mga ito, hawak na po namin ang mga pangalan. Hinahanap na po kayo ng mga alagad ng batas. Hinahanap po kayo. Mas gugustuhin kong buhay na makuha ang mga mahal niyong anak," sabi ni Domagoso.
"Harapin na lang nila 'yung ginawa nilang kawalanghiyaan, sa mata ng husgado, sa mata ng batas," dagdag niya.
(Litratong kuha nina Christian Turingan at Rae Gerald Ferrer/MPIO)
#BagongMaynila #AlertoManileno
Loading...
Maki-balita sa Manila City Updates sa Facebook, Twitter, Instagram at YouTube!
manila meaning metro manila area manila population manila tourism metro manila population quezon city metro manila map manila city map isko moreno family isko moreno children isko moreno age isko moreno house isko moreno pagpag isko moreno news
Mag-post ng isang Komento